Ելակետային տվյալների կարևորությունը

Ելակետային տվյալների առկայությունը չափազանց կարևոր է հետազոտական աշխատանքների ճիշտ և լիարժեք կազմակերպման և իրականացման համար։ Վերոհիշյալ նյութերի հավաքագրման և պատրաստման հարցում պատրաստ ենք աջակցել ինչպես խորհրդատվությամբ, այնպես էլ գործնական միջամտությամբ։

Ինչ տվյալներ է պարունակում ինժեներա–երկրաբանական ուսումնասիրությունների արդյունքում մեր կողմից տրամադրվող տեխնիկական հաշվետվությունը։

• Ներածություն՝ իրականացված աշատանքների ընդհանուր բնութագիրը, աշխատանքների կատարման մեթոդիկան, տեսակները և ծավալները


• Օբյեկտի տեղադիրքը և տարածքի ուսումնասիրվածության աստիճանը


• Ընդհանուր տվյալներ տարածքի մասին (վարչական տվյալներ, գեոմորֆոլոգիա, ջրային ցանց, կլիմայական բնութագիր, երկրաբանական կառուցվածք, սեյսմա–տեկտոնական բնութագիր)


• Տեղամասի երկրաբանա-լիթոլոգիական կառուցվածքը


• Հիդրոերկրաբանական պայմանների նկարագրություն և գնահատում


• Գրունտների ֆիզիկա-մեխանիկական հատկանիշների նկարագրություն և համապատասխան ցուցանիշների ներկայացում


• Յուրահատուկ գրունտների առկայությունը և դրանց բնութագիրը


• Երկրաբանական և ինժեներա-երկրաբանական պրոցեսների և երևույթների նկարագրություն, բնութագրերի, կանխարգելիչ և դրանց զարգացման դեմ պայքարի միջոցառումների առաջարկների ներկայացում


• Եզրակացություններ՝ վերոհիշյալ կետերում տրված տվյալների ամփոփում և եզրահանգում


• Տեքստային հավելվածներ՝ գրունտների փորձարկումների հաշվետու նյութեր, հորատանցքերի լիթոլոգիական կտրվածքի նկարագրություն, լուսանկարներ և այլն


• Գծագրական հավելվածներ՝ փաստացի նյութերի քարտեզ, տեղամասի տեղագրագեոդեզիական հանույթը փորվածքների տեղադրմամբ, երկրաբանա–լիթոլոգիական կտրվածքներ համապատասխան ուղություներով

---

Մենք առաջարկում ենք հետևյալ ծառայությունները

• Նախագծվող և վերակառուցման ենթակա բնակելի, հասարակական շենքերի և համալիրների տեղամասում համապարփակ և լիարժեք ինժեներա–երկրաբանական ուսումնասիրություններ


• Քաղաքացիական ենթակառուցվածքների նոր նախագծվող կառույցների և վերանորոգման կամ վերակառուցման ենթակա կառույցների տեղամասերում ինժեներա–երկրաբանական ուսումնասիրությունների իրականացում


• Շինարարական աշխատանքների ընթացքում բացված շինարարական փոսորակների ինժեներա–երկրաբանական տեղազննման աշխատանքներ, իսկ անհրաժեշտության դեպքում՝ լրացուցիչ հետազոտական աշխատանքների իրականացում


• Գրունտների լաբորատոր փորձարկման աշխատանքներ, դրանց ֆիզիկական, մեխանիկական և վտանգավոր հատկանիշների բացահայտում և համապատասխան առաջարկների կազմում


• Հորատման աշխատանքներ (իրականացվում են չոր մեթոդով, հանուկի ընտրմամբ, ինչը հնարավորություն է տալիս ստանալ առավելագույն ստույգ տվյալներ լիթոլոգիական կտրվածքին մասնակցող գրունտների կազմի և ֆիզիկական վիճակի մասին)


• Ինժեներա–երկրաբանական մասնագիտական խորհրդատվություն տարատեսակ շինարարական օբյեկտների նախագծման և շինարարության փուլերում